- Offerynnau Statudol 2004 Rhif 2747 (Cy.245)
Gorchymyn Powys (Cymunedau Aberhonddu a Llanfrynach) 2004
© Hawlfraint y Goron 2004
Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.
Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.
Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.
Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Gorchymyn Powys (Cymunedau Aberhonddu a Llanfrynach) 2004, ISBN 0110910125. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.
Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.
I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.
| Wedi'i wneud | 13 Hydref 2004 | ||
| Yn dod i rym yn unol ag Erthygl 1(2) |
Mae Comisiwn Ffiniau Llywodraeth Leol Cymru, ac yntau wedi cyflwyno adroddiad i Gynulliad Cenedlaethol Cymru, yn unol ag adrannau 54(1) a 58(1) o Ddeddf Llywodraeth Leol 1972[1], dyddiedig Rhagfyr 2003, ynghylch adolygiad Cyngor Sir Powys o'r ffin rhwng Cymunedau Aberhonddu a Llanfrynach yn Sir Powys, ynghyd â'r cynigion a ffurfiwyd gan y Comisiwn;
A Chynulliad Cenedlaethol Cymru, ac yntau wedi penderfynu gwneud y cynigion yn effeithiol heb eu haddasu;
A chan fod mwy na chwech wythnos wedi mynd heibio ers i'r cynigion hynny gael eu cyflwyno i Gynulliad Cenedlaethol Cymru;
Yn awr, mae Cynulliad Cenedlaethol Cymru, gan arfer y pwerau a roddwyd i'r Ysgrifennydd Gwladol gan adran 58(2) o Ddeddf Llywodraeth Leol 1972 ac sydd bellach wedi'u breinio yng Nghynulliad Cenedlaethol Cymru i'r graddau y maent yn arferadwy mewn perthynas â Chymru yn rhinwedd Gorchymyn Cynulliad Cenedlaethol Cymru (Trosglwyddo Swyddogaethau) 1999[2], yn gwneud y Gorchymyn a ganlyn:
Enwi a Chychwyn
1. - (1) Enw'r Gorchymyn hwn yw Gorchymyn Powys (Cymunedau Aberhonddu a Llanfrynach) 2004.
(2) Daw'r Gorchymyn hwn i rym ar 1 Ebrill 2004, sef y diwrnod penodedig at ddibenion y Rheoliadau, ag eithrio bod y Gorchymyn hwn yn dod i rym ar 1 Rhagfyr 2004 at y dibenion a nodir yn rheoliad 4(1) o Reoliadau 1976.
Dehongli
2. Yn y Gorchymyn hwn -
-
ystyr "y map ffiniau" ("the boundary map") yw'r map a baratowyd gan Gynulliad Cenedlaethol Cymru ac sydd wedi'i farcio "Map Ffiniau Gorchymyn Powys (Cymunedau Aberhonddu a Llanfrynach) 2004" ac a adneuwyd yn unol â Rheoliad 5 o'r Rheoliadau;
-
ystyr "y Rheoliadau" ("the Regulations") yw Rheoliadau Newidiadau yn Ardaloedd Llywodraeth Leol 1976 fel y'u diwygiwyd[3].
Newid i ardal gymunedol a newid canlyniadol i adran etholiadol
3.
Mae'r ffin rhwng y rhannau hynny o gymuned Aberhonddu (Ward y Santes Fair) sy'n ffurfio adran etholiadol y Santes Fair, a chymuned Llanfrynach sy'n ffurfio rhan o adran etholiadol Tal-y-bont ar Wysg, fel y mae wedi'i marcio ar y map ffiniau fel "Ffin Gymunedol Newydd", gyda'r canlyniad bod yr ardal o dir a ddangosir gyda llinellau rhesog du ar y map ffiniau, gan gynnwys yr eiddo a elwir "White House", i'w chynnwys yng Nghymuned Llanfrynach yn lle yng Nghymuned Aberhonddu.
Llofnodwyd ar ran y Cynulliad Cenedlaethol.
Sue Essex
Y Gweinidog dros Gyllid, Llywodraeth Leol a Gwasanaethau Cyhoeddus
13 Hydref 2004
(Nid yw'r nodyn hwn yn rhan o'r Gorchymyn)
Mae'r Gorchymyn hwn, a wneir yn unol ag adran 58(2) o Ddeddf Llywodraeth Leol 1972, yn gwneud yn effeithiol gynigion gan Gomisiwn Ffiniau Llywodraeth Leol Cymru, a hynny heb eu haddasu. Effaith y cynigion hynny yw newid y ffin rhwng cymunedau Aberhonddu a Llanfrynach, fel bod yr eiddo "White House" ym mhentref Groesffordd bellach yn rhan o Gymuned Llanfrynach.
Newidir y ffin rhwng Ward y Santes Fair yng Nghymuned Aberhonddu (sy'n ffurfio adran etholiadol y Santes Fair) a Chymuned Llanfrynach, gan gynnwys cymunedau Glyn Tarell a Thal-y-bont ar Wysg (sydd oll yn ffurfio rhan o adran etholiadol Tal-y-bont ar Wysg) fel ei bod yn cyd-fynd â'r ffin gymunedol newydd, fel y'i dangosir ar y map ffiniau.
Adneuir printiau o'r map ffiniau a gellir edrych arnynt yn ystod oriau gwaith arferol yn swyddfeydd Cyngor Sir Powys, Neuadd y Sir, Llandrindod, Powys ac yn swyddfeydd Cynulliad Cenedlaethol Cymru ym Mharc Cathays, Caerdydd.
Mae Rheoliadau Newidiadau yn Ardaloedd Llywodraeth Leol 1976 (fel y'u diwygiwyd), y cyfeirir atynt yn erthygl 1(2) o'r Gorchymyn hwn, yn cynnwys darpariaethau cysylltiedig, canlyniadol, trosiannol ac atodol ynghylch effaith a gweithredu gorchmynion megis y gorchymyn hwn.
Notes:
[1] 1972 (p.70).back
[3] O.S. 1976/246, fel y'i diwygiwyd gan Reoliadau Newidiadau yn Ardaloedd Llywodraeth Leol (Diwygio) 1978 O.S. 1978/247.back
ISBN 0 11091012 5