Offerynnau Statudol 2002 Rhif 3276 (Cy.314)

Gorchymyn Bwrdeistref Sirol Casnewydd (Newidiadau Etholiadol) 2002

---

© Hawlfraint y Goron 2002

Mae'r ddeddfwriaeth ar y wefan hon yn ddarostyngedig i nawdd Hawlfraint y Goron. Gellir ei hatgynhyrchu yn rhad ac am ddim ar yr amod ei bod yn cael ei hatgynhyrchu'n fanwl gywir a bod ffynhonnell a statws hawlfraint y deunydd yn cael eu gwneud yn hollol hysbys i ddefnyddwyr beth yw.

Dylid nodi nad yw'r hawl i atgynhyrchu testun Offerynnau Statudol yn ymestyn i'r hawl i atgynhyrchu argraffnodau Bathodyn Brenhinol Cymru ac Argraffwr y Frenhines.

Paratowyd testun y fersiwn hon o'r Offeryn Statutdol ar gyfer y Rhyngrwyd i adlewyrchu'r testun fel y'i Gwnaethpwyd. Y fersiwn awdurdodol o'r Offeryn Statudol yw copi Argraffwr y Frenhines a gyhoeddwyd gan The Stationery Office Limited o dan y teitl Gorchymyn Bwrdeistref Sirol Casnewydd (Newidiadau Etholiadol) 2002, ISBN 0 11090623 3. Prynu'r eitem hon. Os am gael manylion o sut i gael gafael ar gopi swyddogol gweler Sut mae cael gafael ar gyhoeddiadau The Stationery Office Limited.

Er mwyn sicrhau mynediad cyflym drwy gyfrwng cysylltiadau araf, rhannwyd dogfennau mawrion yn "dalpiau". Pan ymddengys botwm "continue" ar waelod tudalen o'r testun, dynoda fod talp arall o'r testun ar gael.

ystyr "adran etholiadol" ("electoral division") yw un o adrannau etholiadol Bwrdeistref Sirol Casnewydd fel y'i sefydlwyd gan Orchymyn Trefniadau Etholiadol Bwrdeistref Sirol Casnewydd 1994[2];

ystyr "y Ddeddf" ("the Act") yw Deddf Llywodraeth Leol 1972.

Adrannau Etholiadol
     2.  - (1) Diddymir adrannau etholiadol presennol Bwrdeistref Sirol Casnewydd a bennir yn yr Atodlen i Orchymyn Trefniadau Etholiadol Bwrdeistref Sirol Casnewydd 1994.

    (2) At ddibenion ethol cynghorwyr ar gyfer Bwrdeistref Sirol Casnewydd, rhennir y Fwrdeistref Sirol honno yn 20 o adrannau etholiadol yn dwyn yr enwau a bennir yng ngholofn (1) o'r Atodlen i'r gorchymyn hwn, a bydd pob adran etholiadol o'r fath yn cynnwys yr ardal a bennir yng ngholofn (2) o'r Atodlen honNo.

    (3) Y nifer a bennir mewn perthynas â'r adran yng ngholofn (3) o'r Atodlen i'r Gorchymyn hwn fydd y nifer o gynghorwyr sydd i'w hethol ar gyfer pob adran etholiadol o'r fath.

Y Gofrestr o Etholwyr Llywodraeth Leol
     3. Rhaid i'r swyddog cofrestru wneud unrhyw ad-drefniadau neu addasiadau i'r gofrestr o etholwyr llywodraeth leol sy'n angenrheidiol am fod y Gorchymyn hwn yn dod i rym.



Llofnodwyd ar ran Cynulliad Cenedlaethol Cymru


E.Hart
Y Gweinidog dros Lywodraeth Leol, Cyllid a Chymunedau

6 Rhagfyr 2002

ERTHYGL 2


Enwau, ardaloedd a'r nifer o gynghorwyr ar gyfer adrannau etholiadol Bwrdeistref Sirol Casnewydd

(1)	(2)	(3)
Enw'r Adran Etholiadol	Ardal yr Adran tholiadol	Y Nifer o Gynghorwyr
Allt-yr-ynn	Cymuned Allt-yr-ynn	3
Alway	Cymuned Alway	3
Beechwood	Cymuned Beechwood	3
Betws	Cymuned Betws	3
Caerllion	Cymuned Caerllion	3
Y Gaer	Cymuned y Gaer	3
Y Graig	Cymuned y Graig	2
Langstone	Cymunedau Langstone, Llanfaches a Phen-h	2
Liswerry	Cymunedau Liswerry a Threfonnen	4
Llan-wern	Cymunedau Trefesgob, Allteuryn, Llan-wern a Redwick	1
Malpas	Cymuned Malpas	3
Maerun	Cymunedau Coedcernyw, Maerun, Llanfihangel-y-fedw a Gwynllwg	2
Pilgwenlli	Cymuned Pilgwenlli	2
Ringland	Cymuned Ringland	3
T-du	Cymuned T-du	3
Shaftesbury	Cymuned Shaftesbury	2
Sain Silian	Cymuned Sain Silian	3
Stow Hill	Cymuned Stow Hill	2
Parc Tredegar	Cymuned Parc Tredegar	1
Victoria	Cymuned Victoria	2

---

O dan adran 64(1) o Ddeddf Llywodraeth Leol 1972 (fel y'i hamnewidiwyd gan Ddeddf Llywodraeth Leol (Cymru) 1994) yr oedd yn ofynnol i Gomisiwn Ffiniau Llywodraeth Leol Cymru adolygu'r trefniadau etholiadol cyn gynted ag y bo'n ymarferol ar ôl yr etholiadau cyntaf i awdurdodau unedol ym Mai 1995.

Mae'r Gorchymyn hwn yn rhoi ei effaith i'r cynigion a wnaed yn adroddiad Rhagfyr 1999 Comisiwn Ffiniau Llywodraeth Leol Cymru ar gyfer Bwrdeistref Sirol Casnewydd.

Er bod y Gorchymyn yn dileu pob adran etholiadol presennol yn y Fwrdeistref Sirol ac yn eu disodli ag adrannau etholiadol newydd, yn ymarferol bydd y mwyafrif ohonynt yn aros yr un fath.

Mae'r trefniadau presennol yn aros yr un fath ar gyfer adrannau etholiadol Allt-yr-ynn, Alway, Beechwood, Betws, Caerllion, Y Gaer, Y Graig, Llan-wern, Malpas, Pilgwenlli, Ringland, T-du, Shaftesbury, Sain Silian, Stow Hill, Parc Tredegar, Victoria.

Cynrychiolir adran Langstone, sy'n cynnwys cymunedau Langstone, Llanfaches a Phen-h , gan ddau gynghorydd.

Mae adran etholiadol Liswerry i gynnwys cymunedau Liswerry a Threfonnen ac mae i'w chynrychioli gan bedwar cynghorydd.Ni fydd adran etholiadol Llan-wern felly yn cynnwys cymuned Treffonen.

Mae adran Maerun, sy'n cynnwys cymunedau Coedcernyw, Maerun, Llanfihangel-y-fedw a Gwynllwg, i'w cynrychioli gan ddau gynghorydd.

---

Notes:

[2] Cafodd y Gorchymyn hwn ei wneud ar 19 Rhagfyr 1994 gan yr Ysgrifennydd Gwladol dros yr Adran Gartref.back