- Offerynnau Statudol 2001 Rhif 1506 (Cy. 104 )
Rheoliadau Gwastraff Rhagnodedig (Cymru) 2001
© Crown Copyright 2001
Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.
Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.
Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.
Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Rheoliadau Gwastraff Rhagnodedig (Cymru) 2001, ISBN 0-11-090201-7. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.
Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.
I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.
| Wedi'u gwneud | 20 Ebrill 2001 | ||
| Yn dod i rym | 21 Ebrill 2001 |
Mae Cynulliad Cenedlaethol Cymru, drwy arfer y pwerau a roddwyd i'r Ysgrifennydd Gwladol gan adrannau 57(6) a 63(1) o Ddeddf Diogelu'r Amgylchedd 1990[1] ac sydd bellach wedi'u breinio yng Nghynulliad Cenedlaethol Cymru[2], ac ar ôl ymgynghori yn unol ag adran 63(1) â'r cyrff hynny y mae'n credu eu bod yn briodol, drwy hyn yn gwneud y Rheoliadau canlynol:
Enwi, cychwyn, darfod a chymhwyso
1. - (1) Enw'r Rheoliadau hyn yw Rheoliadau Gwastraff Rhagnodedig (Cymru) 2001.
(2) Daw'r Rheolidau hyn i rym ar 21 Ebrill 2001 a byddant yn darfod ar 20 Gorffennaf 2001 oni chânt eu hestyn neu eu diddymu cyn hynny gan Reoliadau pellach.
(3) Mae'r Rheoliadau hyn yn gymwys i Gymru.
Gwastraff Rhagnodedig
2. - (1) Bydd adran 57 o Ddeddf Diogelu'r Amgylchedd 1990 (p
er yr Ysgrifennydd Gwladol i'w gwneud yn ofynnol i wastraff gael ei ddebyn, ei drin, ei waredu neu ei draddodi) yn cael effaith yng Nghymru fel pe bai cyfeiriadau at wastraff a reolir yn cynnwys cyfeiriadau at unrhyw wastraff sy'n dod o safleoedd a ddefnyddir ar gyfer amaethyddiaeth o fewn ystyr Deddf Amaethyddiaeth 1947[3] ac yn cynnwys - -
(a) yn ddarostyngedig i baragraff (3), carcasau (neu rannau o garcasau, gan gynnwys gwaed) yr anifeiliaid a bennir ym mharagraff (2); neu
(b) deunydd wedi'i rendro neu ludw o ganlyniad i rendro neu losgi'r carcasau (neu rannau o garcasau, gan gynnwys gwaed) yr anifeiliaid a bennir ym mharagraff (2).
(2) Dyma'r anifeiliaid y cyfeirir atynt ym mharagraff (1)(a) a (b) -
-
(a) gwartheg, defaid, geifr, unrhyw anifeiliaid eraill sy'n cnoi cil neu foch; a'r rheiny
(b) wedi'u cigydda o ganlyniad uniongyrchol neu anuniongyrchol i fesurau a gymerwyd mewn cysylltiad â chlwy'r traed a'r genau.
(3) Ni fydd paragraff (1)(a) yn gymwys i wartheg a anwyd cyn 1 Awst 1996.
Deddfiadau a ragnodir at ddibenion adran 57(6) o Ddeddf Diogelu'r Amgylchedd 1990
3.
Rhagnodir y deddfiadau canlynol at ddibenion adran 57(6) o Ddeddf Diogelu'r Amgylchedd 1990 (amddiffyniadau yn achos cydymffurfio â chyfarwyddyd) -
-
(a) adrannau 179, 187, 187A, 216 a 331 o Ddeddf Cynllunio Gwlad a Thref 1990[4]; a
(b) adran 33 o Ddeddf Diogelu'r Amgylchedd 1990[5].
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[6]
Carwyn Jones
Ysgrifennydd Cynulliad
20 Ebrill 2001
(Nid yw'r nodyn hwn yn rhan o'r Rheoliadau.)
Mae'r Rheoliadau hyn yn caniatáu i Gynulliad Cenedlaethol Cymru gyfarwyddo deiliad trwydded reoli gwastraff, drwy hysbysiad ysgrifenedig, i dderbyn a chadw, neu i dderbyn a thrin neu waredu carcasau (neu rannau o garcasau) mathau penodol o anifail a gigyddwyd o ganlyniad i fesurau a gymerwyd mewn cysylltiad â chlwy'r traed a'r genau. Y mathau perthnasol o anifail yw gwartheg (os cawsant eu geni ar neu ar ôl 1 Awst 1996), defaid, anifeiliaid eraill sy'n cnoi cil neu foch. Gellir hefyd roi cyfarwyddiadau mewn perthynas â lludw neu ddeunydd a rendrwyd o ganlyniad i losgi neu rendro carcasau neu rannau o garcasau gwartheg (o unrhyw oed), defaid, anifeiliaid eraill sy'n cnoi cil neu foch pan gafodd yr anifieiliaid hynny eu cigydda o ganlyniad i fesurau cyfyngu.
Bydd estyn y mathau o wastraff drwy'r Rheoliadau hyn a all fod yn destun cyfarwyddyd gan y Cynulliad Cenedlaethol o dan adran 57(1) a (2) o Ddeddf Diogelu'r Amgylchedd 1990 a ddisgrifir uchod yn cael effaith ledled Cymru gyfan. Ni fydd deiliad trwydded yn euog o dramgwydd troseddol o dan unrhyw un o ddarpariaethau penodedig Deddf Cynllunio Gwlad a Thref 1990 a Deddf Diogelu'r Amgylchedd 1990 dim ond oherwydd unrhyw beth y bu'n rhaid ei wneud neu ei hepgor er mwyn cydymffurfio â chyfarwyddyd o dan adran 57(1) o Ddeddf Diogelu'r Amgylchedd 1990.
Bydd y Rheoliadau'n darfod ar 20 Gorffennaf 2001 oni chânt eu hestyn neu eu diddymu cyn hynny.
Mae deiliad trwydded rheoli gwastraff sy'n cael ei gollfarnu o fethu â chydymffurfio â chyfarwyddyd o dan adran 57(1) o Ddeddf Diogelu'r Amgylchedd 1990 heb esgus rhesymol yn agored i ddirwy hyd at £5000.
Notes:
[1] 1990 p.43back
[2] Mae pwerau'r Ysgrifennydd Gwladol i'r graddau y maent yn arferadwy mewn perthynas â Chymru wedi'u trosglwyddo i Gynulliad Cenedlaethol Cymru: gweler Erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac Atodlen 1 iddo.back
[4] 1990 p.8; gwnaed diwygiadau perthnasol gan adrannau 2, 8 a 9(4) o Ddeddf Cynllunio ac Iawndal 1991 (p.34) a pharagraff 35 o Atodlen 7 i Ddeddf 1991.back
[5] Gwnaed diwygiadau perthnasol gan adran 33 o Ddeddf Dadreoleiddio a Chontractio Allan 1994 (p.40), adran 120(1) o Ddeddf yr Amgylchedd 1995 (p.25), paragraffau 64 a 65 o Atodlen 22 i'r Ddeddf honno, rheoliad 19 o O.S. 1994/1056, paragraff 11 o Ran I o Atodlen 4 i O.S. 1994/1056 a pharagraffau 2 a 4 o Ran I o Atodlen 10 i O.S. 2000/1973.back
ISBN 0-11-090201-7